Glæsilegt, fróðlegt og stórt blað Frjálsrar verslunar um 100 áhrifamestu konurnar er komið út. Blaðið er 148 blaðsíður að stærð og hefur umfjöllunin um áhrifamestu konurnar aldrei áður verið eins viðamikil. Það var fyrir átta árum sem Frjáls verslun valdi fyrst áhrifamestu konur viðskiptalífsins og hefur þetta verið árlegt efni síðan. Til þessa hefur valið snúist um viðskiptalífið en núna er valið úr öllum atvinnugreinum; viðskiptum, stjórnmálum, stjórnsýslunni, listum og menningu. Vonandi fellur lesendum þessi breyting vel í geð.

Frjáls verslun birtir litlar svipmyndir af um helmingi kvennanna og eru það eingöngu karlmenn sem lýsa konunum. Þetta er mjög fróðlegar lýsingar, læsilegar og skemmtilegar.

Jón G. Hauksson skrifar leiðara um ríkisstjórnina og ber hann yfirskriftina: Stjórnin kemst upp með allt!

Gísli Kristjánsson er með yfirgripsmikla fréttaskýringu um konurnar í ríkisstjórn Jóhönnu Sigurðardóttur. Í þessari tíu manna ríkisstjórn eru fjórar konur og sex karlar. Gísli fær þau Eirík Bergmann, stjórnmálafræðing og forstöðumann Evrópufræðaseturs á Bifröst, Þorgerði Einarsdóttur, prófessor í kynjafræði við Háskóla Íslands, og Stefáníu Óskarsdóttur stjórnmálafræðing til að meta störf kvenráðherranna.

Konur velja kvennaríkisstjórn. Líkt og í fyrra kannar Frjáls verslun hvaða konur yrðu fyrir valinu í ríkisstórn sem væri eingöngu skipuð konum. Leitað er til þrjátíu málsmetandi kvenna úr öllum starfsstéttum og þær beðnar um að nefna þrjár konur sem þær veldu í kvennaríkisstjórn. Jóhanna Sigurðardóttir komst ekki á blað í fyrra en fær núna 3 atkvæði af 90 mögulegum. Flestar konur nefna Höllu Tómasdóttur og Rögnu Árnadóttur.

Hvaða konur sitja í stjórnum stærstu fyrirtækja landsins og hvaða konur eru næstráðendur í þessum stærstu fyrirtækjum landsins? Það kemur í ljós að nokkrar þekktar konur sitja í stjórnum fjölda stórra fyrirtækja.

Mál málanna er jafnréttisstefna fyrirtækja og er Frjáls verslun með blaðauka um þetta mál. Langflest af stærstu fyrirtækjum landsins hafa sett sér virka jafnréttisstefnu, auk þess sem Alþingi hefur samþykkt lög um að í hlutafélögum, þar sem stjórnarmenn eru fleiri en þrír, skuli hlutfall hvors kyns að minnsta kosti vera 40% fyrir lok ársins 2013.

Margt annað fróðlegt efni er í þessu stóra og umfangsmikla blaði.

Efnisyfirlitið lítur annars svona út:

Forsíðuefni:
100 áhrifamestu konurnar

Leiðari:
Stjórnin kemst upp með allt

Fréttaskýring:
Hvernig hafa kvenráðherrarnir staðið sig?

Könnun:
Konur velja kvennastjórn

Könnun:
Hvaða konur eru í stjórnum stærstu  
fyrirtækjanna?

Indverska millistéttarstelpan:
Indra Nooyi, forstjóri Pepsi

Mál málanna:
Jafnréttisstefna fyrirtækja

6   Leiðari: Stjórnin kemst upp með allt.

8  Fréttamyndin: Svartur ís.

10   Stjórnunarmoli: Hvernig er frumlegur vinnustaður?

10   Græjur: Rafbækur seljast betur en prentaðar bækur.

12   Vinnustaðurinn: Hláturjóga eykur afköst.

14   Bankamál: Sissener leysir frá skjóðunni.

18  Hönnun: Frumleikinn blasir við.

20  Myndasyrpa: FKA konur í starfi og leik.

22  Kaupin á Já: Eingöngu konur komu að samningnum.

24  Forsíðuefni: 100 áhrifamestu konurnar.

74  Fréttaskýring: Hvernig hafa kvenráðherrarnir staðið sig?

78 Könnun: Konur velja kvennaríkisstjórn.

80 Könnun: Konur í stjórnum stærstu fyrirtækjanna.

84 Könnun: Konur sem næstráðendur í stærstu fyrirtækjunum.

88 Áhrifakona: Indra Nooyi, forstjóri Pepsi.

92  Blaðauki: Jafnréttisstefna fyrirtækja. Fjölmargar konur segja frá jafnréttisstefnu 
       fyrirtækja sinna.

94  Ráðstefna: Virkjum karla og konur til athafna.

100  Katrín Olga: Aukin arðsemi fyrirtækja með jafnvægi kynja í stjórnendastöðum.

102  Sigrún Þorleifsdóttir: Ólíkur stjórnunarstíll karla og kvenna.

132  Stjórnun:  Mary Parker Follett er völva stjórnunarfræðanna.

134   Stjórnun: Þær brutu ísinn.

140   Kvikmyndir.

142   Fólk.

146 Blátt ævintýri.