Annað tölublað SKÝJA er komið út, hlaðið af spennandi og lifandi efni að venju. Eyþór Ingi Gunnlaugsson er í aðalhlutverki á forsíðunni líkt og í Hárinu. Þetta er fróðlegt viðtal við Eyþór sem var lesblindur í æsku og með athyglisbrest, að sögn, en þó ekki með ovirkni tekur hann fram. Hárið er sígildur söngleikur.

Azhkenazy-hjónin Vladimír og Þórunn Jóhannsdóttir koma við sögu; sagt er frá því þegar þessi undrabörn hittust og felldu hugi saman og ferill þeirra rakinn. Flóttinn frá Sovétríkjunum þóttu stórtíðindi og komst í heimspressuna. Þau bjuggu í London fyrstu árin eftir að hafa komist undan járntjaldinu en 1968 fluttu þau til Íslands og settust hér að. Þau fluttu frá Íslandi 1978 og hafa síðan búið í Meggen í Sviss, rétt utan við Luzern.

Annar Vladimír kemur við sögu; Töffarinn í Kreml, Vladimir Pútín. Hann virðist vera undiförull og kaldur en um leið annt um ímynd sína.

Efnisyfirlit Skýja lítur annars svona út:

6  Leiðari: Getur list verið ógeðsleg?

8  Guðrún Högnadóttir í HR: Þekking er dýrmæt auðlind.

10  Forsíðuefni: Hárbeittur Eyþór.

16 Azhkenazy-hjónin. Sagan af undrabörnunum og ferli þeirra.

20 Svenni: Sveinn Sigurbjarnarson, þjóðsagnapersóna á Austfjörðum.

22  Sigurður Guðmundsson í Hjálmum og Mefismafíunni.

26 Alda Jónsdóttir: Hjólaði yfir kjöl með fjögurra ára dóttur sína.

28 Átakið hjólað í vinnuna.

32 Guðjón Ketilsson myndlistarmaður: Styrkur að kunna ekkert annað.

36 Finnur Magnússon: Breyttist úr ofurhetju í aðhlátursefni.

40  Ferming. Smásaga eftir Jóhann Þórsson.

44  Vladimír Pútín. Töffarinn í Kreml.

48  Hjalti Karlsson, hönnuður í New York sem vinnur fyrir stjörnurnar.

50  Leikkonan Anne Hathaway.

52  Woody Allen: Everyone says I love you fær góða dóma.

Nældu þér í Ský. Blaðið má fá í Eymundsson búðum auk þess sem það er í innanlandsflugi Flugfélags Íslands.