Yrsa Sigurðardóttir, verkfræðingur og rithöfundur, er í stórskemmtilegu forsíðuviðtali í nýjasta tölublaði SKÝJA. Margt annað efni prýðir blaðið, þar er að finna hina fullkomnu súkkulaðiköku. Sagt er frá tíu leiðum til að bæta sig í vinnunni. Geirfinnsmálið er í fróðlegri úttekt. Víkingur Heiðar píanóleikari er á góðum nótum og Steinnunn Þórarinsdóttir myndlistarkona líka. Höskuldur Ólafsson, bankastjóri Arion banka, segir frá fjallgöngubakteríu sinni. Þá er fjallað um bækur, tónlist, Annie Mist heimsmeistara í CrossFit, tíu ráð til að yngjast á tíu vikum, litríkt leikár Borgrarleikhússins og suður-afrísku leikkonuna Charlize Theron. Súkkulaðikakan er fullkomin en það eru alvöru bragð af þessu blaði.

Yrsa

Það er fyllsta ástæða til að ná sér í SKÝ og lesa hið viðamikla og góða viðtal við Yrsu sem Brynhildur Björnsdóttir tók. Yrsa segist ekki líta á sig sem drottningu glæpasögunnar. Hún er verkfræðingur hjá Verkís í fullu starfi og vann m.a. við Kárahnjúkavirkjun. Engu að síður er hún þekkt sem afkastamikill verðlaunarithöfundur og einn vinsælasti íslenski rithöfundurinn; bæði hér heima og erlendis. Hún skrifar á kvöldin og um helgar. Hún er gift, tveggja barna móðir og amma. Hvernig fer hún eiginlega að þessu? Það er nú það.

Hvað er það við skriftirnar sem heldur henni við efnið? „Ég veit það ekki, þetta er bara einhver bilun, held ég. Ég hef oft hugsað um þetta af því að þetta flækir líf manns svolítið.“ Hún harðneitar því að hún sé einhvers konar ofurkona. „Mér sjálfri leiðast bækur þar sem sögupersónurnar eru ofurhitt eða þetta, ofurfalleg, ofurgáfuð...ég þekki engan ofurfallegan eða ofurgáfaðan, það eru allir bara venjulegt fólk,“ segir Yrsa og leggur áherslu á að hún sé venjuleg kona í óvenjulegum aðstæðum.

Geirfinnsmálið

Geirfinnsmálið, helsta sakamál 20. aldarinnar, var ekki aðeins sakamál heldur rataði það inn í sali Alþingis og varð stórpólitískt mál þar sem sjálfur dómsmálaráðherra, Ólafur Jóhannesson, varð fyrir aðdróttunum. Þjóðfélagið var beinlínis heltekið af þessu máli. Þetta er ekki bara fróðleg upprifjun heldur spennulesning eftir Pál Ásgeir blaðamann.

Nældu þér í Ský. Blaðið má fá í Eymundsson búðum auk þess sem það er í innanlandsflugi Flugfélags Íslands.

Efnisyfirlit Skýja lítur annars svona út:

Leiðari: Veröldin er verri.
Yrsa Sigurðardóttir er venjuleg kona í óvenjulegum aðstæðum.
Tíu leiðir til þess að bæta sig í vinnunni.
Steinunn Þórarinsdóttir myndlistarkona.
Þorbjörg Hafsteinsdóttir boðar nýjan lífsstíl.
Fjallgöngur: Höskuldur H. Ólafsson.
Bækur og tónlist.
Geirfinnsmálið.
Annie Mist: Heimsmeistari í CrossFit.
Litríkt leikár Borgarleikhússins.
Víkingur Heiðar Ólafsson píanóleikari.
Charlize Theron leikkona.
Hin fullkomna súkkulaðikaka.