leita

ELDRI PISTLAR

Við vorum fjórir á heimleið úr Borgarnesi eftir að hafa spilað þar bridge fram yfir miðnætti. Skyndilega varð einum á orði að það væri einkennilegt með pólitíkusana í Borgarnesi að styðja ekki betur við golfklúbbinn þar í bæ svo hægt væri að stækka völlinn á Hamri um níu holur og

Gaman að sjá hve sterk viðbrögð Tekjublað Frjálsrar verslunar vekur. Hinn virti fræðimaður Stefán Ólafsson hefur í tveimur bloggpistlum lýst þeirri skoðun sinni að ekki séu nægilega miklar upplýsingar um tekjur í blaðinu. Hin ágæta vefsíða andriki.is hefur auglýst blaðið í fjölmiðlum, en hún telur hins vegar að í blaðinu

Ég sá viðtal við Styrmi Gunnarsson í sjónvarpinu. Það var gaman að heyra skoðanir hans og sýn á ýmsa atburði sem hann hefur tengst. Viðtalið sýnir glöggt hve sjónarhornið skiptir miklu máli. Hann undrast að þingmenn taki ekki undir viðvaranir hans um hætturnar af því að fáeinir auðmenn eignist


PISTLAR

08/11/2006 | 11:34

Í kosningaham (BJ)

Nú er Mogginn fullur af auglýsingum frá prófkjörs kandídötum. Ármann Kr. þyrfti að fá betri mynd af sér, en Mörður er flottur og gæti verið að auglýsa Dressman. Ein auglýsingin sem ég sá var af tómri úlpu og ég var nærri viss um að hún væri frá ákveðnum frambjóðanda.

Bush virðist hafa misst þingmeirihluta í Bandaríkjunum. Hann hefur alveg misst tökin síðastliðin ár. Að sumu leyti minnir hann á Ingibjörgu Sólrúnu sem missti pólitíska innsæið með borgarstjóratitlinum. Hún fer sjálf í prófkjör í fyrsta sinn á laugardaginn og fær kosningu í efsta sætið en ég yrði ekki hissa á því að hún fengi talsvert minna en rússneska kosningu. Össur gæti líka vaknað upp við vondan draum þó að hann, Jóhanna og Ingibjörg hafi myndað um sig verndarhjúp með því að enginn býður sig fram á móti þeim.

Miðað við núverandi tölur um fylgi er alls ekki víst að Samfylkingin fái nema sex eða sjö þingmenn í Reykjavík þannig að sumir sem lenda í „öruggum“ sætum sitja uppi með sárt ennið. Kristrún Heimisdóttir býður sig fram á móti núverandi þingmönnum og virðist mest spennandi nýi kosturinn á þeim væng. Ef hún fær mikið fylgi ýtir hún kannski einhverjum enn neðar en ella.

Í Suðurkjördæmi hafnaði Samfylkingin Jón Gunnarssyni en tók inn Róbert Marshall. Það er greinilegt að blöðin berast ekki austur yfir fjall, því að enginn sem las hið ámátlega bréf hans til „kæra Jóns“ hefði kosið hann. Jón Gunnarsson geldur þess eins og Anna Kristín Gunnarsdóttir að hann hefur ekki verið áberandi. Að vísu get ég ekki sagt að ég hafi mikið heyrt til Björgvins Sigurðssonar heldur, að minnsta kosti hefur hann ekki verið jafnáberandi og Lúðvík Bergvinsson, sem næstum var dottinn í fjórða sæti.

Bush tapar í Bandaríkjunum og skyldi engan undra. Hann veit ekki sitt rjúkandi ráð í Írak, heldur áfram pyntingum af miklum móð og faðmar að sér Rumsfeld og Dick Cheney. Sumir vinir mínir eru hrifnir af honum vegna þess að hann er Repúblikani, en það er mikill misskilningur að þeir séu Sjálfstæðisflokkur Bandaríkjanna. Þeir eru uppfullir af trúarrugli og ýmiss konar afturhaldssemi. Demókratar eru meiri íhlutunarmenn, að mörgu leyti spilltari og minni prinsippmenn, en auðvitað eru fæstir stjórnmálamenn með mikil prinsipp. Þegar ég bjó í Bandaríkjunum fannst mér Demókratar vera eins og margir sjálfstæðismenn voru þá, til dæmis Sverrir Hermannsson og Albert Guðmundsson, þó að þeir hafi síðar stofnað aðra flokka. Í Litháen og Tékklandi eru KGB-söfn þar sem sýnt er hvernig leyniþjónustan pyntaði menn með óhugnanlegum hætti. Þau eru góð áminning um það hvers vegna menn stilltu sér í sveit á móti kommunum. Vonandi styttist í að fangelsum Bush verði lokað og þeim breytt í söfn. Kjósendur hafa talað, spurningin er hvort forsetinn hlustar.

Benedikt Jóhannesson

Share




© Allur rettur askilinn heimur.is (Heimur hf)
Heimur hf. Borgartúni 23 105 Reykjavik S. 512 7575 Fax. 561 8646 heimur@heimur.is