leita

ELDRI PISTLAR

02. september | Hrein vinstristjórn (JGH)
Steingrímur J. Sigfússon ræður sér ekki fyrir kæti út af nýrri „hreinni vinstristjórn“. Það er komin hrein pólitísk stjórn tveggja vinstri flokka, segir hann hróðugur og bætir við að það sé í fyrsta sinn á Íslandi. Einhverjir kynnu að halda að ný stjórn með nýjum flokkum hefði tekið við

Í viðtali við blaðamann DV spurði blaðamaðurinn, Jóhann Páll Jóhannsson mig meðal annars um hrunið. Greinlegt var að hann hafði mótaða skoðun um að Sjálfstæðisflokkurinn bæri meginábyrgð á hruninu. Í framhaldinu komst ég óheppilega að orði, því að ég hefði átt að svara mun ítarlegar en ég gerði. Skoðum fyrst

11. september | Kerlingabækur (BJ)
Þessi pistill er um Patti Smith en ... Sjónvarpið sýndi það skýrt á laugardag hve jafnréttið á langt í land þar á bæ. Eftir miklar sviptingar og framlengingu í ágætum bikarúrslitaleiks Breiðabliks og Vals var staðan þrjú mörk gegn þremur. En í stað þess að sýna frá vítaspyrnukeppninni í


PISTLAR

05/12/2006 | 14:02

Að hanna söguna (BJ)

Mér finnst Margrét Sverrisdóttir snjöll í að hanna atburðarás. Fyrst fékk hún Jón Magnússon inn í Frjálslynda flokkinn, svo gerði hún hann að rasista og loks lét hún reka sig. Sá sem ekki sér að þetta er hannað af Margréti ætti að færa kíkinn frá blinda auganu.

Frjálslyndi flokkurinn er skemmtilegur og lýðræðislegur flokkur. Margrét segist hafa ætlað að fylgja í fótspor föður síns árið 2003 sem formaður en þá var henni sagt að ekki gengi að embætti erfðust. Um það leyti var ákveðið að hún myndi skipa annað sætið á lista Frjálslyndra í Reykjavík árið 2006 á eftir Ólafi Magnússyni karlmanni. (ekki er ráð nema í tíma sé tekið). Prófkjör eru dýr og kynjakvótar kjánalegir. Margrét lét sér þetta vel lynda enda var þetta hluti af hannaðri atburðarás.

Annars nenni ég ekki að tala meira um Frjálslynda í bili. Vinstri grænir voru með tvö vel heppnuð prófkjör. Í Reykjavík og nágrenni var prófkjör sem var býsna gott fyrir óákveðna. Það gátu menn kosið marga í hvert sæti. Þetta er miklu lýðræðislegra en annars staðar þar sem bara má kjósa einn en svo færast allir ofar en þeir upprunalega voru. Þannig sóttist Guðlaugur eftir 2. sæti en fær það fyrsta í sínu kjördæmi, og svo koll af kolli. Björn lenti í 3. sæti og fær 2. sæti. Allir verða glaðir þegar upp er staðið. 

Hjá VG eru kynjakvótar. Gestur Svavarsson karlmaður ætlar hins vegar ekki að nýta sér kvótann því að það er ekki karlmannlegt. VG er nefnilega jafnréttissinnaður flokkur og þar er í lagi að konur séu í meirihluta. Það vakti athygli mína að Ögmundur Jónasson kom með þá frumlegu fullyrðingu að hann væri mjög ánægður með þennan afskaplega vel skipaða lista. Hann bætti svo við að í raun hefðu úrslitin engu skipt því að allt fólkið í framboði hefði verið svo frábærlega gott.

Hvers vegna var þá haldið prófkjör? Var nokkur ástæða til þess að draga 1.100 manns á kjörstað fyrst engu skipti hver röðin var? Í Norðausturkjördæmi var forvalið miklu einfaldara. Þar var einfaldlega tilkynnt að það hefði farið fram og þrír efstu væru þeir sömu og síðast. Ég er viss um að að frambjóðendur eru glaðari en ella og kjósendur líka því að þá þurfa þeir ekki að ómaka sig á kjörstað í forvalinu.

Benedikt Jóhannesson

Share




© Allur rettur askilinn heimur.is (Heimur hf)
Heimur hf. Borgartúni 23 105 Reykjavik S. 512 7575 Fax. 561 8646 heimur@heimur.is