leita

ELDRI PISTLAR

Það er stundum rætt um kortér fyrir kosningar. Núna er kominn nýr mælikvarði; fimmtán stundum fyrir prófkjör. Katrín Júlíusdóttir fjármálaráðherra dustaði rykið af ódýru kosningaplaggi frá því í maí og boðaði til blaðamannafundar í gærmorgun með þeim Degi B. Eggertssyni, varaformanni Samfylkingar, og Katrínu Jakobsdóttur, varaformanni Vinstri grænna, þar

Sumarið 1912 birtist skyndilega maður á Akureyri sem bar nafnið George H. F. Schrader. Hann var af þýskum ættum en hafði starfað á verðbréfamarkaðinum á Wall Street í 35 ár áður en hann kom hingað. Enginn veit af hverju hann kom. Honum hafði græðst töluvert fé. Schrader hjálpaði Norðlendingum

Kosningaúrslitin á laugardaginn eru áfall fyrir Ingibjörgu Sólrúnu. Í Reykjavík sem á að vera höfuðvígi Ingibjargar og sérlegur kandídat hennar leiddi listann galt Samfylkingin afhroð. Á stöku stað náðu staðbundnar aðstæður að vega upp slaka frammistöðu foringjans. Reykjavík var þó aðalvettvangurinn og þar féll Samfylkingin á prófinu. Fyrir kosningarnar


PISTLAR

21/01/2008 | 09:05

Dagur hnífasettanna (BJ)

Það er skemmtileg mynd í Mogganum í dag þar sem hinn geðþekki borgarfulltrúi Björn Ingi Hrafnsson ræðst með sverði að formanni bankaráðs Landsbankans. Myndin tekur af öll tvímæli um að Björn er drengilegur maður því að hann ræðst framan að formanninum. Báðir eru í smekklegum jakkafötum. Þjóðin veit að Jóhannes Í Bónus borgaði fyrir jakkaföt bankaráðsformannsins á góðgerðarsamkomu fyrir nokkrum árum. Því er hins vegar enn ósvarað hver greiddi föt Björns Inga.

Það vekur athygli hve blaðamenn hafa lítinn áhuga á því hver hafi í raun greitt fötin. Björn Ingi neitaði að mæta í viðtal um málið en sagði í tölvupósti:„ Engar aðrar reglur giltu um forystumenn Framsóknarflokksins fyrir borgarstjórnarkosningarnar árið 2006 en aðrar kosningar innan flokksins.“ Blaðamenn láta þetta gott heita. Ætli Árni Johnsen hefði komist upp með svona svar?

Í Fréttablaðinu er vikið að spurningunni í dag á bls. 12. Þar segir: „Enn stendur eftir spurningin um það hvort Björn Ingi keypti föt eða ekki. Hann hefur enn ekki neitað sögusögnunum og nú þykist Haukur Logi Karlsson, fyrrverandi formaður ungliðahreyfingar flokksins, geta fullyrt að fótur sé fyrir þeim. Styggðaryrðum Hauks í garð Björns Inga skal þó taka með fyrirvara þar sem hann hefur ekki beint legið á skoðunum sínum á borgarfulltrúanum síðustu misseri.“ Ekkert að marka Hauk vegna þess að honum er illa við Björn Inga.

Annars er borgarfulltrúinn snyrtilegi búinn að afgreiða málið. Í skilaboðum sem hann sendi visi.is segir hann málið „mannlegan harmleik“. Sem sé Guðjón Ólafur er bilaður. Þá er það mál úr sögunni.

Enda hver hefði trúað því að hinn ástríki Björn Ingi stingi nokkurn í bakið? Maðurinn sem faðmaði bæði Villa og Dag sama sólarhringinn.

Benedikt Jóhannesson

Share




© Allur rettur askilinn heimur.is (Heimur hf)
Heimur hf. Borgartúni 23 105 Reykjavik S. 512 7575 Fax. 561 8646 heimur@heimur.is