F.E.A.R. Perseus Mandate
Sama og síðast nema að núna er grafíkin, þrívíddarvélin og söguþráðurinn gamall. Týpískt dæmi um græðgi, endurunninn tölvuleikur gefin út nánast eins útlítandi og í fyrsta skiptið. Ætti að banna þetta.
Fyrir: PC

Clive Barker´s Jericho
Lofaði góðu, Clive Barker framan á boxinu sem ætti að þýða gæði. Því miður þrátt fyrir spennandi spretti er leikurinn of einfaldur. Eftir fyrsta borðið hefur maður séð allt áður og leikurinn hjakkar áfram í farinu. Sleppa þessum.
Fyrir: PC, Xbox 360, Playstation 3

Hellgate: London
Annar leikur sem að lofaði góðu en tókst ekki að uppfylla væntingar. Hellgate: London á sína aðdáendur en fyrir meðaljóninn er hann ekki þess virði að eyða púðri og peningum á. Maður hefur séð þetta allt áður og verðlaunin og hlutirnir sem að maður fær eru ekki nógu spennandi til þess að spila áfram. Diablo var betri.
Fyrir: PC

You Are Empty
Skrítnasta útgáfan fyrir þessi jól. Gamaldags skotleikur með gamaldags grafík og þreyttri þrívíddarvél. óvinirnir eru fyndnir í fáránleika sínum og það sem átti líklega að vera stílhreint er bara asnalegt. Tæknilega séð minnir You Are Empty svo á Wolfenstein sirka 1994.
Fyrir: PC

Tony Hawk´s Proving Ground
Jæja spurning um að Tony fari að gera eitthvað annað en að pimpa nafninu sínu á enn einn tölvuleikinn. Ekkert sem að hreyfir við manni, sama gamla kartöflustappan og var borin á borð fyrir ári síðan. Bragðið hefur ekkert batnað með mánuðunum.
Fyrir: Playstation 3, Xbox 360, Wii, Nintendo DS og Playstation 2

Sim City Societies
Já enn einn Sim City leikurinn í þetta skiptið hefur eitthvað brunnið yfir í heilunum á sköpurum Sim City. Engin markmið, ruglingsleg útfærsla og grafíkin flókin. Allt gerir Þetta að verkum að þolinmæðin, sem er það sem maður þarf í Sim leikjum, þrýtur mjög fljótt.
Fyrir: PC