Þegar Godfather kom út fyrst fyrir leikjavélarnar var leikurinn eins og blanda af GTA og herkænskuleik. Leikurinn var ansi opinn og spilarinn gat farið hvert sem hann vildi og gert eiginlega það sem hann vildi semsagt algert frelsi. Í Playstation 3 útgáfunni hefur heldur verið aukið á frelsi spilarans sem að virkar mjög vel. Að öðru leyti spilast leikurinn mjög svipað og á hinum leikjavélunum, sömu stjórnmöguleikar og nánast sömu vopn og bardagamöguleikar. Hér á ferð er í raun enn einn afleggjarinn frá GTA leikjunum. Stór opinn leikheimur þar sem spilarinn fær ákveðið frelsi til að ráða framvindu leiksins, tískan í dag enda bráðskemmtileg leik aðferð.

Grafíkin í The Godfather: The Don´s Edition er ágæt. Þrívíddarvélin gerir sitt gagn en hefði þó getað verið sprækari. Umhverfið er ágætlega teiknað og yfirfærslan á Playstation 3 leikjavélina hefur tekist ágætlega. Persónurnar eru mjög vel gerðar, teiknaðar í stíl við kvikmyndina.
Hljóðið er fantagott, raddsetningin er með þeim betri sem maður hefur séð, tónlistin er flott og passar vel við efnið. Effektar og umhverfishljóð eru vel gerð. Þetta var líka raunin með leikinn á öðrum leikjavélum og hefur tekist vel til við að flytja þennan þátt leiksins yfir á Playstation 3 leikjavélina.

Þó svo að The Godfather: The Don´s Edition sé í stórum dráttum byggður upp eins og GTA leikirnir þá eru ýmis atriði sem að eru kynnt til sögunnar hér. Hér er meira lagt upp úr hlutverkaleikjar elementum eins og uppbyggingu karaktersins sem maður spilar. Þetta eykur á víddina í leiknum enda fátt eins vanabindandi eins og það að geta bætt karakterinn með meiri reynslu. The Godfather: The Don´s Edition endist ekkert sérstaklega vel sem er aðallega vegna þess hve stuttur leikurinn er.
Valdabaráttan á milli glæpafjölskyldnanna er mjög vel útfærð sem gerir það að verkum að leikurinn spilast ekki bara sem hasarleikur heldur er aðeins meiri hugsun á bakvið gjörðir manns.
Þó svo að The Godfather: The Don´s Edition hafi ekki uppfyllt allar væntingar sem til hans voru gerðar er útkoman ansi góð. Hér á ferð er leikur sem er vel yfir meðallagi og vel þess virði að skoða nánar fyrir eigendur Playstation 3.

Grafík 3.5
Virkar allt ágætlega en vantar einhvern neista til að flytja leikinn yfir á hærra plan. Sumt gott annað verra, karakterar eru vel teiknaðir en heildar yfirbragðið er frekar dauft.


Hljóð 4.5
Frábærlega vel gert í alla staði. Raddsetningin er mjög vel gerð og leikin og annað er fyrsta flokks. Tónlistin er úr kvikmyndunum og er hún auðvitað algjör snilld

Tækni 3.0
Allt virkar en maður býst við meiru á Playstation3 leikjavélinni. Margt mjög gott hér, RPG möguleikarnir bæta miklu við. Ekki mikið um galla eða klaufalegar útfærslur.


Leikhæfni og ending 3.0
Ekkert sem að lokkar mann að leiknum eftir eitt skipti. Leikurinn er frekar stuttur sem að gerir endinguna frekar slappa.

Fyrir: Playstation 3

Snorri Gunnarsson