Staksteinar fara á kostum (BJ)

Pistlar


bj_effect08Þriðjudaginn 29.3.2011 birtist skemmtilegur myndskreyttur pistill í Staksteinum Morgunblaðsins. Þar sem kreppan hefur leitt til þess að margir hafa ekki efni á blaðinu birtist þessi smellni pistill hér stafréttur svo að menn sjái hvers þeir fara á mis:


„Beðið blaðamannafundar


Þegar Steingrímur J. breytti samninganefnd sinni um Icesave í áróðursnefnd var hennar fyrsta verk að halda blaðamannafund í Arnarhvoli.


Tilefnið var að umsjónarmenn þrotabús gamla LÍ voru að velta fyrir sér hvort endurheimtur í þrotabúið kynnu að hafa aukist um 2% síðustu mánuðina. Eitthvað sem var langt innan við öll skekkjumörk.


Samninganefndinni þótti sem sé rétt að hafa sitt fyrsta verkefni í nýju hlutverki að verða að almennu aðhlátursefni. steingr_mbl


Kannski hefur þetta verið djúphugsað ráð til að sýna ráðherranum að honum hefði ekki tekist að svipta nefndarmenn hverju snifsi af sjálfsvirðingu.


En síðan þetta gerðist hefur orðið ógurlegur jarðskálfti í Japan. Steingrímur og Össur eru komnir á sérstakan lista yfir staðföst ríki í slag við Gaddafi. Potrtúgal rambar á barmi gjaldþrots og verðbólga þýtur upp í Bretlandi.


Nú er líklegt að þrotabú Landsbankans hafi sveiflast töluvert í verði við þetta og þá eingöngu í eina átt, jafnvel 10 sinnum 2%.


En hvar er þá blaðamannafundurinn?



hriflujonasdavidgaddafi


Getum við ekki fengið Áfram blaðamannafund í Arnarhvoli fljótlega?“



Benedikt Jóhannesson



www.heimur.is/benedikt

Categories

Athugið að skoðanir sem hér eru settar fram eru á ábyrgð höfunda og þurfa ekki að endurspegla skoðanir Útgáfufélagsins Heims.