Aðalefni nýjasta tölublaðs Vísbendingar er umfjöllun um draumasveitarfélagið. Metin eru 38 stærstu sveitarfélögin miðað við fjárhagslega stöðu. Sveitarfélögin eiga í miklum erfiðleikum eftir að efnahagsgrunnurinn hrundi. Þau sveitarfélög sem hugðust lækka vaxtabyrði með erlendum lánum sitja nú í lauginni. Garðabær og Seltjarnarnes koma best út undanfarið kjörtímabil, en Snæfellsbær er draumasveitarfélagið að þessu sinni. Neðst á listanum er Borgarbyggð.

Úr greininni sem nefnist Sveitarfélögin sökkva í laugina:

Einkunnagjöfin endurspeglar erfitt árferði. Ekkert sveitarfélag er nær einkunni 7,0. Efstur er Snæfellsbær, en Hornafjörður og Garðabær fylgir fast á eftir. Önnur sveitarfélög sem ná einkunninni 5,0 eru  Seltjarnarnes, Dalvíkurbyggð og Húnaþing vestra.
Í töflu má sjá einkunnagjöfina undanfarin þrjú ár. Einstaka óvenjulega útgjöld eða tímabundin staða getur ruglað einkunnagjöfina einstök ár, en ólíklegt er að það standi lengi. Því er að þessu sinni litið á einkunnir undanfarin þrjú ár. Þá skera tvö bæjarfélög sig úr, jöfn í efsta sæti: Seltjarnarnes og Garðabær. Hvað er það sem gerir þessi bæjarfélög góð?

Útsvarsprósentan er lægri þar en annars staðar. Hjá fjölskyldu með 5 milljón króna árstekjur var útsvarið 46 þúsund krónum lægra á Seltjarnarnesi en í Reykjavík. Þetta jafngildir um það bil 2 % hærri ráðstöfunartekjum. Skuldir sem hlutfall af tekjum eru innan við 100% í báðum bæjarfélögunum.
Athygli vekur að höfuðborgin fær 3,8 í þriggja ára meðaltal og er lendir í 23. sæti og er á svipuðum slóðum og undanfarin ár.